ÉTICA KANTIANA VS. UTILITARISMO

OS REFUXIADOS SIRIOS

Esta semana tivo lugar o debate “Os refuxiados sirios”, no que difentes grupos de alumnado defenderon  o punto de vista dos distintos  actores deste conflito. Foi  o resultado dun amplo traballo de investigación levado a cabo polo alumnado de 4º de ESO.

Podedes ver o resultado na ligazón: https://www.youtube.com/watch?v=6YOAJoLYgpo

COINCIDEN O PROGRESO CIENTÍFICO E TECNOLÓXICO CO PROGRESO HUMANO?

Nesta ocasión, alumnado de 1º de Bacharelato tivo ocasión de debater acerca do tema “Coinciden o progreso científico e tecnolóxico co progreso humano?”. Foi un debate tremendamente interesante, no que se trataron cuestións como as seguintes: que entendemos por progreso humano?, influíu a aparición da ciencia, a técnica e a tecnoloxía no progreso da humanidade?, houbo avances científicos e tecnolóxicos que supoñan retrocesos para a humanidade?, os propios avances científicos e tecnolóxicos inflúen no progreso humano, ou é o uso que facemos deles?

A NOSA PARTICIPACIÓN NO PARLAMENTO XOVE

Este  26 e 27 de febreiro celebrouse a fase  preliminar de ESO do Parlamento Xove, que tivo lugar no Centro Residencial Docente de A Coruña.  O noso equipo estivo formado por  Elvira Mazás, Iván Oro, David Sesar e Cristina Simón  (tod@s el@s de 4º de ESO).  A pesar de non lograr pasar á fase final, tod@s el@s demostraron as súas grandes dotes de orador@s. 

 

PREPARÁNDONOS PARA PARTICIPAR NO PARLAMENTO XOVE

Este curso participaremos na sexta edición do Parlamento Xove. Un proxecto constituído por un conxunto de encontros dialécticos que teñen por obxecto fomentar entre a mocidade o diálogo como ferramenta para argumentar razoadamente as ideas propias. Trátase dunha actividade na que diferentes equipos investigan, escriben e debaten acerca dun tema proposto pola Organización. O tema de debate proposto pola organización do PX´16 foi a seguinte: Determina o papel do/a profesor/a o futuro dos mozos e mozas?

Así se preparan os nosos representantes:

 

XORNADAS DE "CAFÉ FILOSÓFICO"

Iniciamos esta andaina coa proposta de varias sesións de “filocafé” para celebrar o Día Mundial da Filosofía. Esta actividade está dirixida ao alumnado de Bacharelato, e ten como finalidade a discusión de diferentes temas desde unha perspectiva filosófica. Os temas, elixidos polo propio alumnado, foron os seguintes: “Os feminismos”, “O terrorismo yihadista”, e “Estannos a roubar a democracia ou temos a democracia que nos merecemos?”.
 Foron sesións moi fructíferas nas que surxiron preguntas e reflexións como as seguintes:
"Os feminismos": hai diferentes tipos de feminismo?; feminismo e educación; feminismo e dereito; o discurso sobre as mulleres nos medios de comunicación; o amor romántico como arma de
 submisión; a violencia de xénero...
"Terrorismo yihadista": cal é a súa base ideolóxica?, como se alimenta?; son adecuadas as medidas que se toman para resolver este problema?; é posible combater o terror sen armas?; son sospeitosos todos os musulmáns?...
 “Estannos a roubar a democracia ou temos a democracia que nos merecemos?”: deberiamos superar a democracia reprresentativa?; sería imposible unha democracia directa?; é unha utopía esperar políticos honestos?; etc.



FIILOCAFÉ by Slidely Slideshow